كنز اسمه BigBlueButton
منذ شهر ريادة الأعمال 2 تعليقات
من فترة كدا انتشرت فكرة مواقع الكورسات .. والمدرسين والأشخاص الفرديين والشركات حابيين وبشدة إنشاء موقع الكتروني للكورسات .. سواء ال offline أو ال Online .. ولا زال كتير من العملاء بيكلموني علشان نفس الحاجة .. "عايزين نعمل موقع نقدم عليه كورسات .. سواء مسجلة أو Live" واللي يشترك في الكورسات دي يقدر يدخل ويشوفها وهكذا .. ---------- وكان الحل لما يحب يضيف كورس مسجل .. كان بيرفع الكورس عادي جداً من الداش بورد .. ولكن المعضلة بالنسباله كانت في الكورسات ال LIVE .. لانه كان علشان يجتمع بالطلاب كان بيعمل الآتي . 🔴 1- لازم يضيف كورس ويضيف المحاضرات اللي فيه ويجدولها بموعد .. 🔴 2- لازم يدخل على برنامج Z.o .om قبل الموعد .. ولازم يعمل ميتنج .. 🔴 3- لازم يدخل على المحاضرة ويحط الرابط .. (ولو حد معاه الرابط بيدخل) وحط تحتها خط دلوقتي 🔴 4- لازم يقبل الناس واحد واحد أو يسمح بالدخول الجماعي .. 🔴 5- لازم يسجل المحاضرة بنفسه .. وممكن النت يفصل او التسجيل يقف ﻷي سبب 🔴 6- لازم بعد م يخلص ياخد المحاضرة اللي سجلها . ويضغطها علشان يقلل حجمها . 🔴 7- لازم ياخد الفيديو اللي ضغطه ويعيد رفعه على الموقع في نفس المحاضرة علشان اللي فاتته المحاضرة ال Live يرجعلها .. 🔴 8- وعلشان ياخد رخصة business علشان يفتح 2 ميتنج مع بعض لازم يدفع 200 دولار شهرياً لبرنامج Z0O0m لوحده دا غير مصاريف الاستضافة وقاعدة البيانات والتخزين وغيرها .. ---- الحقيقة كانت تجربة فاشلة بكل ما تحمله الكلمة من معنى . العميل بس علشان يعمل ميتنج مع طلابه لازم يعمل 8 خطوات بايخين جداً وأرخم من بعض .. ولكن انا رسمت الجزء دا من سنين وعرفت قد أيه هيكون صعب .. وجلست أبحث وأبحث ..إلخ .. لحد م لقيت كنز اسمه BigBlueButton .. ودا مش اعلان بالمناسبة .. الكنز دا حل ال 8 مشاكل دول .. 🔵 - أولاً وأهم شئ . إن ال solution دا معمول مخصوص للمعلمين والتلاميذ وفيه سبورة وأدوات وخاصيات كتير زي إن الطالب ممكن يرفع أيده .. يشارك شاشته وكاميرته ويتكلم و تقدر تطلع طالب عشوائي وتقدر تعمل استطلاع رأي والدنيا جميلة .. 🔵 - ثانياً ال software دا أساساً open sourse و self hosted .. وال Docs بتاعته واضحة وطريقة التثبيت بسيطة وليه package ل لارافيل بالمناسبة .. 🔵 - ثالثاً ودا مهم جداً . إن البرنامج Free بالكامل . 🔵 - الجميل إن البرنامج دا مش محتاج تحمله ع الجهاز عندك علشان يشتغل .. بيشتغل ع المتصفح عادي جداً .. وبيشتغل جوه Iframe كمان علشان لو عايز تشغله جوه جزء معين في المتصفح .. 🔵 - الممتاااز جداً فيه إنك تقدر تطلع المحاضرة MP4 وتضغطها وتحط عليها علامة مائية عادي جداً (أوتوماتيك) 🔵 - الشيك في البرنامج إنه بالعربي بالكامل وبيدعم العربي كإنه معمول للعرب أساساً .. 🔵 - مش أي حد معاك ال URL يقدر يدخل .. لازم يكون مستخدم عندك في النظام ودافع الاشتراك علشان اللينك بتاعه يشتغل ودي حاجة حبيتها جدااااا الحقيقة 🔵 - والأكثر أهمية بقى .. إن من خلال BigBlueBotton تقدر ببساطة تبدأ الاجتماع فقط .. 🔵- والطلاب هيدخلوا يستنوك كمدرس .. وتقدر تدخل الميتنج في أي وقت .. والتسجيل بيكون تلقائي ولما المحاضرة بتخلص اوتوماتيك بتحمل نفسها وبتضغط نفسها وبتحط علامة مائية وبتظبط الدنيا وترفع نفسها مكان المحاضرة ال Live كل دا بدون أي تدخل منك . ----------- السوفت وير دا بستخدمه من كذا سنة وشاركت معاكم التجربة في 2020 على جروب الزيرو ويب سكول .. https://www.facebook.com/groups/ElzeroWebSchool/posts/3227503454045363/ حقيقي معرفتك بحاجة زي كدا ويقابلك مشروع من النوع دا وتقترح على عميلك ال solution دا هيفرق جداً معاك ومع عميلك جداً. #تركات_الشغل ودي packages هتفيدك To Download Recording as mp4 https://github.com/C0D3D3V/bbb-dl Official Laravel Package https://github.com/joisarjignesh/bigbluebutton Solution that i developed with BigBlueButton + NuxtJS + Laravel + Vue + AWS + WebSockets https://nafezly.com/portfolio/7090 #نصائح_مطوري_الويب
8
شارك
الردود
منذ شهر
1
شكرأ
منذ أسبوعين
1
شكرا ع معلومات
قم بتسجيل الدخول لتتمكن من إضافة ردود
نبذة عن الكاتب
المساهمات
7
الردود
13
النقاط
6
انشاء الحساب منذ سنتين
آخر تواجد منذ 57 دقيقة
مركز المساعدة