لماذا أنشأت مجتمع نفذلي ( بالعامية المصرية )
منذ سنتين تجارب حياتية 16 تعليقات

لماذا أنشأت مجتمع نفذلي ( بالعامية المصرية )

محدش هيديك معلومة مفيدة فعلياً 
غير اللي مر بنفس التجربة ..
هو الوحيد الأقدر على أنه ينقلك تجربته بكامل تفاصيلها ..
سواء الجزء الصح اللي عمله أو الخطأ اللي وقع فيه ..
----
ولو عايز تشتغل في مجال معين ..
في البداية هتحتاج أشخاص مروا بنفس التجربة أو الحاجة اللي إنت حابب تشتغل فيها .. علشان يختصروا عليك الطريق .. 
وجود أشخاص يردوا على استفساراتك مش بس هيدوك معلومات مفيدة زي مثلاً مصادر التعلم ولكن بيديك الحاجات اللي متقعش فيها علشان تكون أسرع في رحلتك ..
----
ومن هنا جات فكرة مجتمع نفذلي ..
مجتمع الهدف منه هو مشاركة الخبرة في مجال العمل عن بعد عموماً ..
ودي الحاجة اللي انا أقدر أقدمها كوني مطور تطبيقات ويب ..
عملت منصة كاملة يقدر أي حد ينشر عليها استفساراته وأسئلته والرد بيكون من أشخاص بيشتغلوا فعلياً في المجالات دي ..
وتقدر تتابع شغلهم على المنصة ..
ويكون فيها خارطة طريق ..
سواء لتطوير الويب ..
تصميم الجرافيك ..
التسويق .. صناعة المحتوى .. وغيرها من المجالات  ..
----

طيب ايه اللي هيستفيده الأشخاص اللي هيردوا على الاستفسارات دي ..
 
هقولك أولاً .. دي مساعدة ..

 وبيظهر عند الناس مساعداتك اللي قدمتها قبل كدا ..
وبالتالي إذا جاوبت على أسئلة معينة وحد شاف ان عندك معلومات معينة دا بيزود جداً من فرصة انك تتوظف في المجال اللي انت اظهرت خبرتك فيه ..

ثانياً ودا الأهم ..
  • كل شخص  بيجاوب على الأسئلة اللي عندك .. بيظهر في أعلى الأشخاص مساعدة وبالتالي فرصة أنه يتوظف أعلى زي حبيبنا موقع stackoverflow كدا ..
  • بيكون فيه بشكل دوري لقاء في نفذلي بود كاست مع أكثر الأشخاص مساعدة في كل الأقسام علشان يشاركوا خبراتهم مع الناس ودا بيكون نقطة تسويقية قوية ليهم .. ويقدروا ينشروا الحلقات اللي بتتسجل معاهم مع عملائهم ف يجيلهم شغل أكتر .. دا غير الوسوم اللي بياخدها على المنصة كونه فعلاً شخص بيفيد غيره ..
  • كمان بشكل تلقائي بيكون فيه مكافئات مالية من المنصة لأكثر الأشخاص إفادة لغيرهم كونهم بيقدموا فعلاً منفعه ..
طيب ايه اللي بيميز مجتمع نفذلي عن أي مجتمع تاني ؟ 
  1.  هتستغرب لما أقولك انك ممكن تسأل السؤال أو الاستفسار بتاعك وتقفل عادي وعلى نهاية اليوم أو لما المنصة تحس ان جالك ردود مهمة على تساؤلك .. بتبعتلك email فيه الردود بشكل منظم ومدى تفاعل الجمهور مع كل رد بحيث تقدر تقراها من غير حتى م ترجع المنصة تاني ..
  2.  طبعاً تقدر ترد وتتفاعل مع كل رد على حدى .. وتفاعلك دا مع كل رد سواء لو عملتله Love أو كان فيه تفاعل مباشر منك .. دا بيدي نقط لصاحب الرد وبالتالي فرصه انه يظهر بين أعلى المساعدين بتكون أعلى ..
  3.  تقدر تتفاعل بتعليقات صوتية .. ( دا مش موجود في Facebook مثلا ) وبالتالي لو انت عايز توصل وجهة نظرك والناس تسمعها بشكل أسرع هيكون أسهل بكتير .. وطبعاً تقدر ترفق ملفات و صور و تعليق مع ردودك ..
  4.  أنت بتقدر تعرف مين اللي رد عليك على المنصة وتشوف سابقة كتاباته و عملائه .. و تقييماته و خدماته .. و بالتالي تقدر تحدد إذا كان فعلاً مر بنفس التجربة اللي انت محتاجها ولا لا ..
  5.  ودي حتة مهمة جداً .. و ( مش موجودة في Facebook بردو )..
    بيكون فيه process bar كدا لقوة كل حساب .. وبالتالي هتقدر تشوف إذا كان الحساب دا بيديك نصيحة مهمة ولا لا .. ودقة نصايحه اللي قدمها للناس قبل كدا ..
  6.  لو فعلاً سؤالك أو استفسارك دا كان شائع والناس فعلاً بتسئله المنصة بتنشره على حسابها على مواقع التواصل الاجتماعي .. طبعاً شرحت قبل كدا إزاي تخلي موقعك ينشر بوستات على جميع مواقع التواصل الاجتماعي و انت ف مكانك من لوحة تحكم الموقع ..
    أو حتى تنشر بشكل مجدول ..
    الكلام دا شرحته هنا ..
    تقدر ترجعله في أي وقت ..
    ما علينا ..
  7.  طبعاً بيجلك اشعارات ع المنصة لو حد ضاف تعليق او رد على تساؤلك .. او حتى ضاف رد على الرد بتاعك .. لاني نسيت أقولك إن فيه ردود .. وردود فرعية زي Facebook كدا ..
  8.  فيه خارطة طريق ومواضيع مفيدة وأقسام زي ..
    دليل مصممي الجرافيك
    دليل مطوري الويب
    دليل صانعي المحتوى
    دليل المسوق الالكتروني
    دليل خبير السيو
    -
  9.  فيه رقم بيكون موجود جنب كل قسم بقولك لو فيه مواضيه اتنشرت النهاردة جديدة ولا لا .. علشان لو عايز تدخل تستفيد من غير م تدخل كل قسم تشوف فيه جديد ولا لا ..
  10.  طبعاً رواد الأعمال يقدروا ينشروا بردو أي إستفسارات تخص أي مشاريع ليهم في قسم رواد الأعمال ..

طبعاً مش هقعد أكتب كل حاجة بالتفصيل ...
علشان البوست ميطولش ..
أسيبكم تستمتعوا بمجتمع نفذلي ..

https://nafezly.com/community

15
شارك
الردود
منذ سنتين
1
نفذلي من افضل مواقع الـ Freelancer علي المستوي العربي .. واجهة خفيفة .. ودعم ممتاز
منذ سنتين
??
منذ سنتين
3
تحياتي لك أ.بيتر وشكرا على هذه الإضافة المميزة وليس غريبا عليكم فقد عودتمونا دائما على الإضافات الرائعة والتطوير المستمر في الموقع ودائما ننتظر منكم كل ماهو جميل تحياتي لك ولفريق نفذلي واتمنى لكم دوام التوفيق والنجاح
منذ سنتين
1
اشكرك استاذ أحمد .. وإن شاء الله القادم أفضل
منذ سنتين
2
فعلا موقع جميل بالتوفيق انا كنت بشتغل علي مستقل ومستحمل قرف العملاء وان اداره الموقع في صف العميل حتي لو شتمك او اهانك او عاملك بعنصرية او قيمك بشكل انتقامي ولقيت بالصدفة موقع مصري قولت ادخل اتفرج كده واكتشف وبعدين قولت لا لازم اكون موجود فيه رفعت معظم اعمالي عليه واشتغلت مشروع واشتريت خدميتن كمان .. شكرا
منذ سنتين
2
معك حق اخي هشام مستقل منصة مرهقة جدا العملاء هناك يستعبدون المستقل حرفيا ? مرة جائني عميل يريد تعديل لنصف مشروعه بعد الاستلام والتقييم بأكثر من شهر تواصلت مع خدمة العملاء... واخبروني ان لابد من التعاون مع العميل لان يحق له تغيير التقييم... واخفت عني الأخت ان ذلك غير ممكن لو فات على التسليم والتقييم شهر... وتورطت في ٣ ايام عمل للعميل وانا اسألهم ما الضابط لان كدا العميل ممكن يغير المشروع كله ويكون حصل على مشروعين بسعر واحد فقط ولا حاكم لذلك (اخيرا بعد الضغط عليهم ومحاصرتهم بالاسئله ودخول موظف اخر للرد اكتشفت ان هذا العميل لم يكن يحق له كل هذا) صدقا مستقل منصة تجيب الضغط والسكر والأمراض المزمنة كلها ??
منذ سنتين
1
تحياتي لك أ. بيتر نفذلي بها مميزات لم أجدها في اي منصة اخري الرسائل في الاستفسارات اكثر من رائعة وجود إمكانية معرفة ان العميل رأي رسالتك ام لا علامة الاون لاين او الاوف لاين داخل الرسائل حتى عند طرحكم لهذا التطوير الجديد امكانيه إرفاق ملفات او التسجيل الصوتي للرد على المشاركات هنا كل شيئ رائع وممتع ?? شابووه... ??
منذ سنتين
2
اشكرك جدا ?? فيه بعض الميزات المخفية كل فترة هبقى أظهر اجزاء منها بحيث تسهل عليكم الاستخدام إن شاء الله
منذ سنتين
1
قرأت المميزات، وأبهرتني صراحة بجماليتها وفرادتها. إضافات أكثر من رائعة، وإنجاز كبير في فترة قياسية. شكراً على هذه التطويرات المميزة أستاذ بيتر، ودام إبداعكم وتفردكم.
منذ سنتين
أشكرك استاذ نبراس على تشجيعك الطيب .. و إن شاء الله أتشرف بمساهماتك .. علشان نقدر نعمل مجتمع مليئ بالتجارب و النصائح المتميزة
منذ سنتين
1
كل يوم نفذلي يبهرنا بميزة جديدة... ما شاء الله، وربنا يعينكم ونشكركم على هذا الإبداع استاذ بيتر
منذ سنتين
أشكرك محمد .. واكيد ما ننسى مساهماتك في مدونة نفذلي .. تقدر بكل بساطة تنشر اللي انت حابه هنا في المجتمع سواء استفسارات أو مساهمات منك .. والقادم أفضل إن شاء الله
منذ سنتين
1
بعد كل التطورات دى نفذلى قريب هيكون رقم واحد عربيا
منذ سنتين
1
إن شاء الله يا أحمد يوم عن يوم بنتطور والمهم في النهاية إن المنصة تلبي احتياجات المستخدمين
منذ سنتين
كل الشكر ليك يا باشمهندس بيتر على المنصة الناجحة وعلى التطوير المستمر وبصراحة فكرة جميلة قادرة على مساعدة المنفذين لك ولفريق العمل كل التحية
منذ سنتين
اشكرك بشمهندس أندرو .. وبنتشرف بمساهماتك الجميلة واللي شايف انها فعلاً هتفيد المنفذين .
قم بتسجيل الدخول لتتمكن من إضافة ردود
نبذة عن الكاتب
المساهمات
7
الردود
10
النقاط
5
انشاء الحساب منذ 4 سنوات
آخر تواجد منذ 59 دقيقة
مركز المساعدة